کوراوغلی
غنیمینه قیلیچ چــــــا لا
ئؤلکه سینه تالان سا لا
دوشمنلر اوسته باش آلا
ئؤزو تک گئده تک گئده
........................
نیگارین شیرین دیللری
باغریما سانجوب میللری
اوزاق اوزاق منزیللری
ئؤزو تک گئده تک گئده
..........................
دؤلا پولاد یاراغینـــــا
دوشه ایگید سوراغینا
یوز تولکونون قاباقینا
ئؤزو تک گئده تک گئده
...........................
کوراؤغلویام ائدمم حاشا
قیر آت دوشلتمه گه پاشا
دوشمانلار ایله ساواشــا
ئؤزو تک گئده تک گئده
قوجا بابا من دولانیم باشویا
چنلی بئل دن بو دیارا گلمیشم
عثمان گوزلینین دوشدوم عشقینه
بیر قیز سوراغینا بورا گلمیشم
.....................................
قیر آتی من اوزاخ یؤللاردا یؤردوم
دوشمان قارشیسیندا مردانا دوردوم
آدیم روشن منیم چنلی بئل یوردوم
لاچین اؤلاغینا بورا گلمیشــــــــم
........................................
هر گون اولار کوراؤغلونون غؤغاسی
دوشر پاشالارنان جنگ ؤ دعواســــی
ایستانبول شهرینده خونکار بالاســــی
نیگار فراغینا بـــــــــورا گلمیشــــــم
سالام وئردیم سالام آلماز
گؤروم کسسین سالام سنی
آخچاسیز پولسوز آشیقام
پولوم یؤخدور آلام سنـــی
...........................
خزینم یؤخ آغزین آچام
دولتیم یؤخ توکم ،ساچام
چارایؤخوم آلام قاچام
چنلی بئله سالام سنـــی
..........................
گوللوباغلاردا گزرسن
جاوانلارباغرین ازرسن
یؤخ کی کاغاذابنزرسن
یازابیلمز قلم سنــــــــی
............................
هانسی داغلارین قاری سن
تازاباغچالاربــــــاری سن
نیگارکوراؤغلو یاری سن
بیلیر کّلّ عالـــــــم سنــــی
...................................
نیگارخانیم بوسؤزلری اشیدیب قهقه چکیب گولدو دئدی: سن بیر آشیق .من بیر خونکار قیزی
سنین نه وارین منی آلای؟بابام قؤشونو گلسه سن نه ائیلر سن؟ کوراؤغلو دئدی:
قیر آتا چکمیشم بیر جوت اوزنگی
اوجا داغ باشیندا توتارام جنگــــی
قیرارام عؤثمانلی،هندی،فرنگـــی
ایستامبولدا قیلیچ چاللام اینشا اللاه
.......................................
قیر آتیمی بسله میشم قهرینـــــــــده
گوزل گؤرمه میشم یارین تهرینده
جمعه گونو ایستانبولون شهرینده
خونکاری تختیندن ساللام اینشااللاه
........................................
قاریشما سن کوراؤغلونون ایشینه
داو گللم دوشمانین اللی بئشیــــنه
صاباح باخ سن قوشونلارین لشینه
نیگارین صاحابی اؤللام اینشااللاه
..........................................
نیگار خانیم دئدی: ئؤزویو اؤلومه وئرمه ،توتاق من مالسیز ،پولسیز سن ایله گلدیم بابام
منی سنه وئرمز! وئرسه ده منی هارا آپارابیلرسن؟نیگارین جاوابیندا دئدی:
آلاگؤزلی نیگارسنی
من چنلی بئله آپاررام
چکرم قیر آت ترکینه
دونرم یئله آپاررام
.....................
مایولام من گؤزؤقاشا
اؤغرایارام من ساواشا
سنی من آلارم باشـــا
توتارام دیلــه آپاررام
............................
تولک ترلان قؤرخماز ساردان
گؤیول آیریلماز نیگاردان
سنی زور ایله خونکاردان
آلارام بئیله آپاررام
...................
سایمارام خونکاری خانی
قؤشونا وئرمم آمانـــــــی
میدان ایچینده آل قانــــی
دؤندررم سیله آپاررام
.............................
کوراؤغلو گلدی داماغا
ضربه دؤزمز سولطان آغا
قیر آتی چاپدیررام داغا
چارداخلی ا یله آپاررام
...............................
نیگارخانیم دئدی: چؤخ یئکه یئکه دانیشیرسان .منی چنلی بئله نئجه آپارارسن؟
کوراؤغلو دئدی: سنی میندیررم قیر آتون ترکینه آپاررام ! دئدی سنین قیر آتین نئجه آت دیر؟
کوراؤغلو دئدی: قولاق وئر دئییم گؤرگونن نئجه دیر. آلدی سازی الینه بیله دئییر:
اوجا داغ باشیندا یئل کیمی اسر
بو گونومده منه اورک قیر آتیم
بیر آیلییق منزیلی بیر گونده کسر
کهلن بسله میشم گرک قیر آتیم
.................................
یؤللارین تؤزونو گؤیه قالدیرار
موخنّث اوستونو بیردنآلدیرار
میدانین ایچینده دوشمان سالدیرار
اولار ییه سینه دیرک قیر آتیم
....................................
قؤچ کوراؤغلو قونار اؤل سا یهره
یاغی دوشمانلاری سالار قهره
آخورونداآرپاقؤیماز سحـــــــره
دارا دوشسم منه کومک قیر آتیم
دئدی: آغلاما تئللی نیگاریم
گلدی دلیلریم گلدی
خونکار قیزی نازلی یازیم
گلدی دلیلریم گلدی
...........................
قوربانام مردین آدینـــــا
دؤستونو سالار یادینـــا
بوگون بیر ار ایدادینــا
گلدی دلیلریم گلـــــــدی
..........................
دوشمانا قیلیچ چکمه گه
باشلاری بیچیب تؤکمه گه
پاشالار قددی بوکمه گه
گلدی دلیلریم گلــــــــدی
.............................
ایگیدین کسمز غؤغاســـی
هئمیشه اولار دعواســــی
کوراؤغلونون قوچ آرخاسی
گلدی دلیلریم گلــــــــــــدی
چیسگینلی داغلارین باشی
نیگار چنلی بئل بودور بو!
ایگیدلر آچار ساواشـــــــی
نیگارچنلی بئل بودور بــو!
...................................
چکیب پاشالار سؤیدوغوم
قافیله سین بؤش قؤیدوغوم
خونکارلارگؤزواؤیدوغوم
نیگارچنلی بئل بودوربــو !
..................................
خونکارلار باتا بیلمه یـــن
جومردلر توتا بیلمه یــــن
کؤشکونه باتا بیلمه یــــن
نیگارچنلی بئل بودوربــو!
................................
اوجالاردان اوجا داغـــــــی
هرگیز گله بیلمز یاغـــــــی
کوراؤغلونون تک اؤولاغی
نیگار چنلی بئل بودوربـــو!
